Misirin Aralıq dənizində karbohidrogen yataqları ilə bağlı layihəsini Türkiyənin BMT tərəfindən təyin edilən dəniz sərhədini nəzərə alaraq hazırlaması vacib hadisədir.

KONKRET.az xəbər verir ki, bunu Türkiyə milli müdafiə naziri Hulusi Akar deyib.

O bildirib ki, bu prosesin davam etməsini gözləyir:

“Misirlə Türkiyənin ortaq bir çox tarixi və mədəni dəyərləri var. Bunları nəzərə alaraq, yaxın günlərdə fərqli proseslərin ola biləcəyini düşünürük. Xüsusilə, Qahirənin bu qərarı Türkiyə ilə bərabər Misir və xalqının mənfəətinə də uyğundur. BMT-də elan etdiyimiz dəniz yurisdiksiyasına uyğun şəkildə Misirlə qarşıdakı günlərdə hər hansı bir razılaşmanın ola biləcəyini dəyərləndiririk. Məsələ ilə bağlı Türkiyə Xarici İşlər Nazirliyi koordinasiyalı şəkildə işlər aparır. Ümid edirik ki, müsbət nəticələr əldə olunacaq”.