Lənkəran Regional Mədəniyyət İdarəsinin rəhbəri Vüsal Nəsirlinin vəzifədən azad edilməsi barədə yayılan məlumatlar həqiqəti əks etdirmir.
KONKRET.az xəbər verir ki, bu barədə axar.az-ın sorğusuna cavab olaraq Mədəniyyət Nazirliyinin mətbuat xidmətindən deyilib.
“Lənkəran Regional Mədəniyyət İdarəsinin rəisi Vüsal Nəsirlinin işdən azad edilməsi ilə bağlı mədəniyyət naziri Anar Kərimov tərəfindən əmr imzalanmayıb”, – nazirlik bildirib.
Qeyd edək ki, ötən gün Vüsal Nəsirlinin Lənkəran Regional Mədəniyyət İdarəsinin rəhbəri vəzifəsindən kənarlaşdırılması barədə məlumat yayılmışdı.