Robert Köçəryana görə, Nikol Paşinyan Ermənistanı danışıqlar masasına özünəməxsus tərzdə otuzdurub. Yəni o masada Ermənistan öz problemlərini müzakirə etmir, başqa ölkələrin liderləri əyləşib.
KONKRET.az xəbər verir ki, bu fikirləri “7or.az” saytında erməni müəllif Ayk Usunts yazıb.
Onun sözlərinə görə, Paşinyan Qarabağı təslim edib, ölkədə alver bazarı yaradıb:
“Ancaq bu, Nikolu qətiyyən narahat etmir, çünki onun üçün kreslosunu qorumaq və talan etmək daha vacibdir.
Danışıq masasına oturmağın xronologiyasına gəlincə, hər şey 9 may 2018-ci ildə başladı. Yəni, baş nazir olandan sonrakı gündən. Həmin gün Nikol Xankəndidə müvafiq mandata malik olmadığı üçün Qarabağ əvəzinə danışıqlar aparmayacağını və rəsmi Xankəndinin danışıqlar masasına əyləşməsini bildirdi.
Nikolun yanaşması vasitəçilər və Azərbaycan tərəfindən qəbul edilmədi. Sərt bəyanatlar verildi, bundan sonra Nikol itaətkar şəkildə uduzan statusunda danışıqlara getdi və öz təklifindən geri çəkildi.
Nikol “Artsax”ın əvəzinə danışdı, amma heç bir danışıq aparmadığını açıq şəkildə nümayiş etdirdi.
Nikol sonra sıfır nöqtəsindən danışıqlar apardığını söylədi və bu əslində Madrid prinsiplərindən imtina etmək demək idi.
9 may 2018-ci ildən 27 sentyabr 2020-ci ilədək Nikol bu cür səylə danışıqlar prosesini pozdu, Ermənistan Respublikasının diplomatik sərvətini sıfırladı və Ermənistanı tək buraxdı. Nəticədə Azərbaycan rəhbərliyi əks-hücuma keçmək imkanı əldə etdi və dünya birliyindən heç bir qınaq almadı.
Nikol bizə müharibəni və məğlubiyyət gətirdi. Bu məğlubiyyət nəticəsində Ermənistan indi subyektivlikdən məhrumdur.
Nikolun siyasəti nəticəsində “Artsax”ı danışıqlar masasına qaytarmaq niyyəti ilə “Artsax” öz “dövlətçiliyini”, erməni xalqı isə minlərlə oğlunu itirdi.
Nikol indi də ölkəmizi danışıqlar masasında eyni mövqedə əyləşdirib.
Hazırda məsələləri müzakirə edən Nikol deyil, Rusiya Federasiyası, İran, Türkiyə və Azərbaycan liderləri Ermənistan məsələsini müzakirə edir. İranlıların indi rəsmi İrəvandan daha çox Zəngəzurdan danışması təsadüfi deyil.
Azərbaycan və Türkiyənin ilkin şərtlərinə İrəvan yox, Moskva cavab verir.
Görünür, Nikol danışıqlar masasında özünü çox rahat hiss edir. Üstəlik, rahatlaşır və zövq alır. Ermənistanın kimin qarşısında əyiləcəyi ilə də maraqlanmır. Onun üçün əsas şey kresloda qalmaq və dövlət büdcəsini öz cüzdanına çevirməkdir”./Bizim.media