Bir müddət əvvəl McDonalds, Papa Johns və Burger King markalarının Azərbaycandakı nümayəndəlikləri sosial media hesablarında ordumuza dəstək məqsədli poslar paylaşmışdı.
KONKRET.az xəbər verir ki, lakin erməni lobbisinin markalara etirazı nəticəsində həmin paylaşımlar silindi. Bu da haqlı olaraq vətəndaşların narazılığına səbəb oldu. Nəticədə internet istifadəçiləri sosial mediada müxtəlif həştəqlərlə etirazlarını bildirərək insanları həmin markaları boykot etməyə çağırıb.
Ölkəmizdə böyük şəbəkəyə malik olan şirkətlərin heç biri azərbaycanlılardan üzr istəməyib, yalnız “McDonalds Azerbaycan” şirkəti sosial şəbəkə hesabında açıqlama verib. Lakin bu açıqlamadan sonra vəziyyət daha da gərginləşdi.