Qazaxıstanın şimalındakı Kostanay vilayətində meşə yanğınlarına yaxın kəndlərin 1 000 nəfərdən çox sakini təxliyə edilib.
KONKRET.az xəbər verir ki, bu barədə ölkənin Fövqəladə Hallar Nazirliyinin mətbuat xidməti məlumat yayıb.
Yanğın güclü külək nəticəsində sürətlə yayılmağa başlayıb. İndiyədək 3 000 hektara qədər meşə sahəsi yanıb.
Fövqəladə hallar naziri Yuri İlin yanğının Amankaraqay kəndi yaxınlığındakı neft bazasına keçməsi təhlükəsi barədə xəbərdarlıq edib.
Qazaxıstan Prezidenti Kasım-Jomart Tokayev Kostanay vilayətinə gözlənilən işgüzar səfəri zamanı əməliyyat qərargahına baş çəkməyi və meşə yanğınlarının aradan qaldırılması üçün görülən tədbirlərlə tanış olmağı planlaşdırır.