Qazaxıstanın Şımkənt Vilayətinin diaspor rəhbəri Natiq İbrahimov Qazaxıstan Prezidenti tərəfindən təsis edilmiş “Jomart jan” döş nişanına layiq görülüb.

KONKRET.az–ın Orta Asiya ölkələri üzrə bürosu xəbər verir ki,Qazaxıstan Xalqları Assambleyasının

təltif etdiyi medal həmyerlimizə ölkə vətəndaşları üçün himayəçilik və xeyriyyəçilik fəaliyyətlərinin inkişafındakı xidmətlərinə görə verilib.

Qeyd edək ki, Şimkənt şəhərində həmyerlimiz humanitar və xeyriyyə aksiyalarında aktiv iştirak edir. Qazaxıstan rəhbərliyi isə belə vətəndaşları sülhün, dostluğun, həmrəyliyin tərəfdarı kimi mükafatlandırır, ölkədə onlara xüsusi diqqətlə yanaşılır.

Əlbəttə ki, bu, bu ölkədə yaşayan və işləyən azərbaycanlılara rəğbəti daha da artırır.