2-ci Qarabağ müharibəsi vaxtı əsgərlərimizə maşın alacağını söz verən müğənni Rəqsanə yenə bunu şou olaraq istifadə edib.
KONKRET.az xəbər verir ki, müharibə vaxtı video müraciətlə avtomobil sahibi olmaq istədiklərini bildirən 2 əsgərimizə avtomobil almaq sözünü verən müğənni Rəqsanə bu sözünü tutmayıb.
Artıq 4 ay keçməsinə baxmayaraq, sənətçi bunun unudulacağını düşünərək, hər gün yeni bəhanələr tapmaqda davam edir.
Qeyd edək ki, sosial şəbəkə hesabında bu barədə paylaşım edən ifaçı əsgərimizin arzusunu reallaşdıracağını bildirmişdi: “Mən müharibə vaxtı orduya yardım edə bilmədim. Bir şey etməsəydim, bunu özümə bağışlaya bilməzdim. Nə yaxşı bu iki video qarşıma çıxdı. Əsgərlərimizdən biri qara rəngli “Jiquli 07“, digəri “Niva” istəyirdi. Maşının birini mən alıram, digərini həyat yoldaşım Fazil bəy hədiyyə edəcək”.
