Revanşizm sonu görünməyən bataqlıqdır – Zahid Orucbackend

Revanşizm sonu görünməyən bataqlıqdır - Zahid Oruc

Azərbaycanın Ali Baş Komandanı XXI əsrin ilk Ağıllı müharibəsini  V nəsil silahlarla əldə etdi, bu, təkcə silahların ağlı da deyildi, dövlət ağlının müasir dövrün regional və qlobal reallıqlarını nəzərə almaqla reallıq içərisində bütün dünyanın hesablaşacağı yeni münasibətlər sistemi və coğrafiyasının da inşası oldu.

Təkcə, bu faktı demək lazımdır ki, 90-cı illərin qaranlıq siyasi panoramasında zəif səslə “Azərbaycanla razılaşmaq lazımdır, bir gün güclənərək, ərazilərini azad edəcək” deyən sabiq prezident Ter – Petrosyan nə qədər haqlı və üzaqgörən idi ki, gələcəyi oxumaqla qalmamışdı, Azərbaycanın siyasi elitasını milli kimliyi və siyasi dühası ilə quran, təməllərini qoyan ata və oğul Əliyevlərin potensialını, Qafqazın spesifikasını və dünyadakı yerini daha dəqiq şəkildə qiymətləndirərək, enerji diplomatiyası ilə, Şərqi Qərbə birləşdirməklə, neft adasının sabitlik formuluna uyğun formatını qurmaqla  Azərbaycanın hökumət böhranı yaşadığı ötən əsrin 90-cı illərinin ilk dövründə torpaqlarını işğal etmiş Ermənistanı tarixin həqiqəti ilə üzbəüz qoymadı, eyni zamanda bütün dünya erməniliyinin gücünü, zəhərli ideologiyasını və arxasındakı lobbilərin birgə qüdrətini də məğlub edə bildi.

Bu gün Zəfər gününün bir ilini qeyd edən qalib Azərbaycan xalqının, bir ildə Qarabağa qayıdış  yolunda böyük və mühüm məsafə qət edən soydaşlarımızın Ali Baş Komandanı diplomatik zəfərlərini Bakının Prezident sarayından, MoskvadanŞ Brüsseldən, Soçidən və bütün qlobal platformalardan elan edir.

Bəli, qərarlar Bakıda verilir, İrəvanda icra edilir. Bu gün İrəvan icra edir – qədim və böyük Azərbaycanın Zəngəzur torpaqlarında ata-babalarımızın ayaq izləri ilə yollar açılır, kommunikasiyalar qurulur və Soçi bəyannaməsinin hələ mürəkkəbi qurumamış Azərbaycan hər gün, hər an, hər saat Gorus- Qafan yolundakı gömrük, polis, SOCAR yanacaqdoldurma məntəqəsi vasitəsilə Ermənistan ictimaiyyətini manatla mübadiləyə hazırlayır, çünki erməni dramının “dramı” çəni boş erməni vətəndaşının güzəranını qane etmir, edə bilməz və onun haqqqı var ki, növbəti gün Gorus – Qafan yolunun Eyvazlı stansiyasında açılacaq dram-manat mübadilə məntəqəsinə baş çəksin.

Ona görə “Ərik Partiyası”nın rəhbəri Zahuri Postançıyanın “türklər pis qoxu verir, çünki onlar düşmən qoxuyurlar” deməsi qədər təzadlı heç nə yoxdur: Çünki Gorusun, Qafanın erməni sakinləri bir müddət sonra Azərbaycana tapınacaqlar, Xankənini erməniləri bazarlıq üçün Ağdama gələcəklər, İcevandan Qazaxa, Basarkeçərdən Kəlbəcərə, Krasnoselodan Gədəbəyə gələn erməni sakinlərinin qabağını heç özləri də ala bilməyəcək. Bütün həyatı və yaşayışı ərik dənələrindən asılı vəziyyətdə qalan erməni kəndlisi günlərə yol basaraq, öz yükünü satmaq üçün Azərbaycan yanacağını alaraq, Azərbaycan bazarında, Azərbaycan alıcısına meyvə bəyəndirməyə çalışacaq və təbii olaraq, alıcı ilə satıcının coğrafiyası, kimin ev sahibi olması da aşkar görünən həqiqətdir.

Bəs bu sadə insanlara məğlub erməni siyasətçilərinin sərsəmləmələrimi lazımdır, yoxsa cibinin pulla dolmağı, qarının doyması?

Axı revanşizm pis və dəhşətli dərəcədə qorxulu xəstəlikdir ki, onun da 44 günlük “müalicəsi” 10 minə yaxın erməni gəncinin Erebuni qəbiristanlığında yatmasına gətirib çıxardı… Bleflər sadə erməni xalqının durumunu onsuz da gərgin vəziyyətə salır, yaxı olardı ki, sözügedən ölkənin siyasətçiləri bir az da tarix oxuya, ibrət alalar.

Zahid Oruc,

Millət vəkili

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*