Rusiya Türkiyəyə beşinci nəsil qırıcı təyyarə yaratmaqda kömək edə bilər.
KONKRET.az-ın Rusiya mətbuatına istinadən verdiyi məlumata görə, bunu bu gün Rusiyanın Hərbi-Texniki əməkdaşlıq üzrə Federal Xidmətinin direktoru Dmitriy Şuqayev bildirib.
D.Şuqayev Türkiyəyə yardım etmək niyyətlərinin ciddi olduğunu vurğulayıb.
Qeyd edək ki, ABŞ Rusiyadan “S-400” Zenit-Raket Kompleksi aldığı üçün Türkiyəyə “F-35” qırıcı təyyarələrini satmaqdan imtina edib. Vaşinqton Türkiyədən “S-400”-dən imtina etməyi, əvəzində “Patriot” kompleksi almağı tələb edir. Ankara Vaşinqtonun tələbini qəbul etməyib.