Qeqam Nazaryan: “İndi Nikolun əsl üzünü görürsünüz – alçaq, məkrli”

Vətəni Qurtarma Hərəkatının Azadlıq meydanında keçirdiyi mitinq zamanı ön sıralarda mübahisə eşidilib. Hərəkatın Ali Şurasının nümayəndəsi Qeqam Manukyan polisi işlərini görməyə çağırıb.

KONKRET.az erməni mediasına istinadən xəbər verir ki, o polislərə üzünü tutaraq onlara müraciət edib: “Təxribatçıları təcrid etmək məcburiyyətindəsiniz. İşiniz təkcə sadəcə insanları həbs etmək deyil”.

“İndi Nikolun əsl üzünü görürsünüz – alçaq, məkrli. Mitinqə də ös sifətində olanları göndərir. Nikol, bacarmayacaqsan. Bu izdihamı görürsən və nə qədər əhəmiyyətsiz olduğunu başa düşürsən. Görürsən, bu ermənilər necə insanlardır? Qar yağmasına baxmayaraq, on minlərlə insan şaxtada buraya toplanıb. Nikol, əşyalarınızı yığın və rədd olun. Amma etdiyiniz hər şeyə görə cavab vermək üçün həbsxanaya gedəcəksiniz.

…Sən nə etdin, manyak qatil! Bizi baş verməməli olan bir müharibəyə sürüklədin. Müharibəni dayandıra biləcəyin deyilirdi. Bəli, bacardın”.

Qeqam Nazaryan daha sonra bildirib: “Ancaq bu müharibəni Nikol gətirdi və ilk növbədə cənnətdə olan uşaqlarımızın qarşısında cavab verməlidir. Nikol, Anna, bütün bunları həzm etməyəcəksiniz. Söz verirəm. Qurtulmayacaqsınız.

Ermənistanda bir Nürnberq prosesi baş verəcək. Çünki onsuz irəliləyə bilməyəcəyik. Bu məhkəmə, ölkəmizə gələn və ölkəmizi məhv edən bütün Azərbaycan-Türkiyə agent şəbəkəsini ifşa etmək üçün əla fürsət olacaq.

“Uşaqlarımız ölərkən Anna hamar saçı ilə bizi lağa qoyurdu, kiminsə bağçasında saxta forma geyinmişdi, fotosessiyalar təşkil edirdi. Dövlətin təhlükəsizlik orqanları, araşdırma aparın, gedin və öyrənin, bu qızdan bunkerlərdə nə etdiyini soruşun”.

O, çıxışında ölənlərin, yaralananların, itkin düşənlərin və əsir götürülmüş hərbi qulluqçuların valideynlərinə birləşməyə çağırıb. Natiq əmin olduğunu bildirib ki, Ermənistan yaxşı bir ölkəyə çevriləcək.

Natiq Səlim,

KONKRET.az