Sinan Oğanın Azərbaycanla bağlı addımı üzə çıxdı – FOTOFAKTbackend

Sinan Oğanın Azərbaycanla bağlı addımı üzə çıxdı – FOTOFAKT

Hazırda “seçkilərdə parlayan azərbaycanlı” kimi türk dünyasında əsas müzakirə edilən şəxs Sinan Oğandır. S.Oğanın ikinci turda kimi dəstəkləyəcəyi maraqla gözlənilir. Onun Azərbaycan əsilli olması, bütün həyatı və fəaliyyəti boyunca Azərbaycanla sıx əlaqələri hazırda diqqət mərkəzindədir.

Oğanın Azərbaycanla əlaqələri Azərbaycan Dövlət İqtisad Universitetində işləməsi, Əbülfəz Elçibəyin hakimiyyəti müddətində onun ofisində çalışması, Azərbaycan və Türkiyə Parlamentlərarası dostluq qrupundakı fəaliyyəti ilə yekunlaşmır.

KONKRET.az Globalinfo-ya istinadən xəbər ki, Sinan Oğan 1990-cı il yanvar hadisələrində Türkiyə daxilində Azərbaycana dəstək üçün təşkilatlanma həyata keçirib.

SSRİ ordusunun 1990-cı il 20 yanvar tarixində Bakıda törətdiyi qətliama o dövr Türkiyə xalqı və hakimiyyətinin münasibəti fərqli olub. Həmin illərdə Türkiyə Prezidenti olan Turqut Özalın, “Azərbaycanlılar Anadoludakı türk xalqından daha çox İran azərilərinə yaxındırlar. Onlar şiədir, biz isə sünni” açıqlaması ölkədə skandal yaratmışdı. Bu açıqlama xalq tərəfindən birmənalı qarşılanmamış, bu istiqamətdə kəskin tənqidi fikirlər səsləndirilmişdi.


1990-cı il yanvar mitinqindən görüntü

O zaman Türkiyədə İstanbuldan Iğdıra, Diyarbəkirdən Ankaraya kimi ölkənin hər yerində Azərbaycana dəstək mitinqləri keçirilib. Məsələ ilə bağlı ən böyük mitinq isə 25 min nəfərin iştirakı ilə İstanbulda gərçəkləşdirilib. Bu mitinqin əsas təşkilatçısı Sinan Oğan olub. O, SSRİ-nin Türkiyədəki Baş konsulluğu qarşısında, mitinq iştirakçılarının önündə çıxış edərək Bakıda törədilən qətliamı sərt şəkildə qınayıb və xalqa Azərbaycandakı bu qətliamların qarşısının alınması üçün birlikdə aktiv fəaliyyət göstərmək çağırışı edib.

Qeyd edək ki, o zaman Turqut Özalın açıqlamalarına ölkə daxilində bir çox siyasətçi sərt reaksiya verib. Tənqidlərin güclü olması səbəbi ilə T.Özal açıqlama verərək çıxışının yanlış anlaşıldığını bildirib.

  • İsmayıl
    May 18, 2023 - 23:29

    Sinan Oğan ürəyimiz səninlədir.
    Yaşasın Türkiyə Azərbaycan qardaşlığı.

  • Əsəd Əsədzadə
    May 20, 2023 - 19:35

    Biz Sənan Oranı bir Demokrat kimi hörmət edirik. O Türk dünyasının gələcək rəhbəridir.Azərbaycan azadlıq mübarizələrin qardaşı.Biz Sizi dəstəkləyirik.

  • Kənan
    May 20, 2023 - 23:46

    Ona görə Azərbaycan düşməni olan, türkiyəni bölmə planı olan kılıçdaroğlununu dəstəkləyir??

  • Qasım
    May 21, 2023 - 11:21

    Sinan Oğanı Azərbaycan türkləri yaxşı tanıyır və sevir. Xüsusilə, Azərbaycan tarixçilərinin yaxın dostu və əzizidir. Sinan Oğanın bütün fəaliyyətini bildiyimiz üçün taleyüklü Qarabağ probleminin həllinin başa çatdırılması üçün Ərdoğana yaxın olacağına inanırıq. T.e.d.,professor Qasım Hacıyev

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*