“Yeni qanun layihəsində banklara olan borclarla bağlı ancaq İkinci qarabağ müharibəsi iştirakçıları, şəhid ailələri və qazilər nəzərdə tutulur. Birinci Qarabağ müharibəsinin şəhid ailələri də bu məsələni qaldırır ”.
KONKRET.az xəbər verir ki, bunu Milli Məclisin bu gün keçirilən iclasında deputat Siyavuş Novruzov deyib.
O bildirib ki, buna aydınlıq gətirilməlidir: “Niyə görə bu insanlar həmin güzəştlərlə bağlı nəzərə alınmır? Əmək və Əhalinin Sosial Müdafiəsi Nazirliyi tərəfindən eyni qaydada Birinci və İkinci Qarabağ müharibəsi şəhid ailələri, əlilləri, qazilərə sosial ödənişlər edilir, evlə, maşınla təmin olunurlar”./qafqazinfo/