Topçu Vüsaldan açıqlama: “Çəkilişə fikir vermirdik” – VİDEObackend

Topçu Vüsaldan açıqlama: "Çəkilişə fikir vermirdik" - VİDEO

Top atəşini yerinə yetirdikdən sonra məğrur duruşu ilə igid Azərbaycan əsgərinin simvoluna çevrilən 19 yaşlı əsgər barədə video və fotolar qısa müddət ərzində sosial şəbəkələrin və medianın gündəminə çevrildi. Hamı onu “Topçu Vüsal” kimi tanıdı. İndi həmin Vüsal Xaçmaza – ailəsinin yanına gəlib.

KONKRET.az xəbər verir ki, 44 günlük Vətən müharibəsi zamanı qürurlu duruşu ilə məğrurluq simvoluna çevrildi.

Hərəkətləri ilə bir anda tanındı və hamının yaddaşında Topçu Vüsal kimi qaldı.. Əsgər, Xaçmaz sakini Vüsal Şahkərimov hərbi xidmətdən məzuniyyətə buraxılıb.

Vüsal kadrlara düşdüyü o anda hansı hissləri yaşayırdı? Xidmətini hansı duyğularla yerinə yetirirdi?

Vüsalın da iştirak etdiyi top atışlarında düşmənin xeyli canlı qüvvəsi məhv edilib. Onlara xəbər çatanda isə əhval-ruhiyyələri lap yüksək olub.

Vüsal məzuniyyətə buraxılanda da onun təmtəraqla qarşılanmasını istəməyib. Ona görə də evə gələndə valideynlərinin də xəbəri olmayıb.

Qeyd edək ki, Vətən müharibəsi dövründə Azərbaycan xalqı əslən Xaçmaz rayonundan olan Vüsal Şahkərimovu Müdafiə Nazirliyinin yaydığı videodan tanıyıb. Top atəşini yerinə yetirdikdən sonra məğrur duruşu ilə igid Azərbaycan əsgərinin simvoluna çevrilən 19 yaşlı əsgər barədə video və fotolar qısa müddətdə sosial şəbəkələrin və medianın gündəminə çevrildi.

Vüsal Şahkərimov “Cəbrayılın azad olunmasına görə”, “Füzulinin azad olunmasına görə” və “Qubadlının azad olunmasına görə” medalları ilə təltif olunub.

/xəzərxəbər/

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*