Rumıniyada Türkiyənin Kostansa Konsulluğu, Dəyanət İşləri Nazirliyi və Müsəlman Müftiliyininin Mövlüd ən-Nəbi günü ilə bağlı təşkil etdiyi tədbirdə diqqətçəkən hadisə yaşanıb.
KONKRET.AZ Axar.az-a istinadən xəbər verir ki, tədbir zamanı ABŞ səfirliyinin əməkdaşı Abiqail Rap çıxış üçün kürsüyə dəvət edilib.
Lakin türk konsul Sulhi Turan Rapın çıxışı ilə bağlı əvvəlcədən Türkiyə tərəfinə məlumat verilmədiyini bildirərək, onun kürsüdən enməsini xahiş edib.
Amerikalı diplomat da öz növbəsində Turana təşəkkür edərək xahişini yerinə yetirib və kürsüdən enib.