Estoniyalı general Martin Herem Sankt-Peterburq və Baltik dənizini blokadaya almaq istəyir.
KONKRET.az xarici mediaya istinadən xəbər verir ki, xəbər verir ki, Estoniya Silahlı Qüvvələrinin komandanı general-leytenant Martin Heremin açıqlamaları birmənalı qarşılanmayıb. O bildirib ki, Finlandiya və İsveç bloka qoşulsa, Şimali Atlantika Alyansı Baltik körfəzi və Sankt-Peterburqu blokadaya ala biləcək.
Estoniyalı general əlavə edib ki, Şimali Avropa ölkələrinin müraciətləri təsdiq olunsa, yəni onlar NATO-nun tamhüquqlu üzvü qəbul edilsələr, bu zaman təşkilat Baltik dənizinə tam nəzarət etmək imkanını qazanacaq.
Estoniyalı general hesab edir ki, əks halda NATO Finlandiya körfəzini minalamaqla Baltik dənizi və Sankt-Peterburqu bağlamağa çalışacaq:
“Biz Rusiyanın Kalininqrad anklavı ilə Sankt-Peterburq arasındakı Baltikyanı kommunikasiya xəttini bağlaya bilərik” – deyə general fikirlərini tamamlayıb.
Qeyd edək ki, bundan əvvəl israilli hərbi ekspert Yakov Kedmi Rusiyanın Finlandiyanın hərəkətinə reaksiyası haqda fikirlərini bölüşmüşdü.
Müşviq Tofiqoğlu,
KONKRET.az