Qaynadılmış qarğıdalı tərkibindəki lif və karbohidratlar sayəsində həm toxluq hissini artırır, həm də orqanizmin enerji ehtiyacına töhfə verir. Xüsusilə ara yemək üçün praktik və doyurucu seçim hesab olunur.

KONKRET.az pravdaaz-a istinadən bildirir ki, sarı qarğıdalıda lutein və zeaksantin kimi karotenoidlər də var. Bu maddələr göz sağlamlığını dəstəkləyən qidalanmada mühüm rol oynayır. Qarğıdalı həmçinin müəyyən miqdarda C vitamini, maqnezium, fosfor və kalium ehtiva edir.

Orta ölçülü bir ədəd qaynadılmış qarğıdalının təxminən 99 kalori və 2,9 qram lif ehtiva etdiyi bildirilir. Lakin qarğıdalını həddindən artıq duz, kərə yağı və souslarla qəbul etməməyi tövsiyə edirlər.