ABŞ Dövlət katibinin müavini Viktoriya Nuland hesab edir ki, Rusiya prezidenti öz irsini, yəni Sovet İttifaqını yenidən bərpa etməyə, sonra daha da irəli getməyə çalışır.
KONKRET.az xarici mediaya istinadən xəbər verir ki, düz 30 il əvvəl Yeltsin, Kravçuk və Şuşkeviç Belovejskaya Puşçada SSRİ-nin mövcudluğuna son qoyulduğunu elan edən müqavilə imzaladılar.
“ABŞ müttəfiqləri ilə Rusiyanın qlobal maliyyə sistemindən tam təcrid olunması variantını müzakirə edir. Əgər Rusiya Ukraynanı işğal etməyə qalxarsa, o zaman bunun nəticəsi biznes mühiti və əhali üçün də acınacaqlı ola bilər” – Nuland Senatda çıxışı zamanı bildirib.
Onun sözlərinə görə, ABŞ Rusiyanı təcavüzdən saxlamaq üçün səylə çalışır və bütün mövcud variantları nəzərdən keçirir. Nuland əlavə edib ki, misli görünməmiş sanksiyalar mərhələlərlə – birinci, beşinci və onuncu gün tətbiq edilə bilər.
Müşviq Tofiqoğlu
KONKRET.az