“Pandemiya şəraitinə baxmayaraq, Azərbaycan-İran ticarət əlaqələri ötən ilin 11 ayında 30 faizədək artıb”.
KONKRET.az xəbər verir ki, bunu Baş nazirin müavini Şahin Mustafayev jurnalistlərə açıqlamasında bildirib.
O qeyd edib ki, yük avtomobillərinin sayı ötən ilin 11 ayında əvvəlki illə müqayisədə 62,5 faiz artıb. Bu, “Şimal-Cənub” Beynəlxalq Nəqliyyat Dəhlizinin verdiyi töhfədir.
“Bu dəhliz çox böyük önəm daşıyır və çox yaxşı fəaliyyət göstərir. Ölkələr bu istiqamətdə mühüm işlər görürlər. Bu gün biz Astaraçay üzərində yeni avtomobil körpüsünün təməlini qoyacağıq və körpünün bu ilin sonuna qədər inşa olunması planlaşdırılır”, – deyə Şahin Mustafayev əlavə edib.