Xəbər verdiyimiz kimi, Gəncədə ağır yol qəzası baş verib.
KONKRET.az “Unikal”a istinadən xəbər verir ki, hadisə şəhərin Qara Qarayev küçəsi ilə Cavadxan küçəsinin kəsişməsində qeydə alınıb. “Ford” markalı yük avtmobili ilə “Lexus” markalı avtomobil toqquşub. Nəticədə avtomobillərdən biri idarəetmədən çıxaraq səki ilə gedən piyadanın həyatına son qoyub.
Ölən şəxsin 1982-ci il təvəllüdlü Səbuhi Xeyirxəbərov olduğu bildirilir. Məlumata görə, mərhum sahibkar kimi fəaliyyət göstərib. O, Gəncə şəhərində avtomobillərin mühərrik yağının satışı ilə məşğul olub.
Faktla bağlı araşdırma başlanılıb.
