Ötən il Azərbaycanda tikinti materiallarının istehsalı 871,8 milyon manat olub ki, bu da əvvəlki illə müqayisədə 80,6 faiz artım deməkdir.

KONKRET.az Dövlət Statistika komitəsinə istinadən xəbər verir ki, bütün növ tikinti materiallarının istehsalında artım olub.

Belə ki, 2021-ci ildə odadavamlı kərpiclər, bloklar, tavalar və oxşar saxsı tikinti m əhsullarının istehsal 8,6 dəfə, sementdən, süni daşdan və ya betondan tikinti blokları və kərpiclərinin istehsalı 74,3 faiz, betondan yığma tikinti konstruksiyaların istehsalı 69,2 faiz, emal edilmiş mərmər travertin, alebastr və onlardan m əmulatların istehsalı 56,8 faiz, tikinti gipsinin istehsalı 47,9 faiz, tikinti kərpicinin istehsalı 57,3 faiz, sementin istehsalı 6,3 faiz, tikinti əhənginin istehsalı isə 4,4 faiz artıb.