Novxanıda yerləşən 1 saylı tam orta məktəbdə direktor Taliyə Mirzəyevanın şagirdin başından hicabı yerə atması barədə yayılan məlumatlar həqiqəti əks etdirmir.
KONKRET.az xəbər verir ki, bunu axar.az-a açıqlamasında Novxanı kənd 1 saylı tam orta məktəbin katibəsi Nəzakət Əliyeva deyib.
O bildirib ki, direktorla şagird arasında bu barədə söhbət belə olmayıb:
“Direktorun şagirdin başından hicabı açması olduqca yanlış məlumatdır. Direktor yalnız şagirdin anası ilə söhbət edib və bildirib ki, çöldə hicablı olsa da, məktəbə daxil olarkən başını açsın. Valideyinə şagirdin dərsdən sonra istəsə, yenidən hicabını taxıb, evə gedə bilməsi deyilib. Direktor şagirdin özü ilə qətiyyən bu barədə danışmayıb. Şagird də dərsə daxil olanda başını açdı, evə gedəndə isə yenidən hicabını taxdı. Bizim məktəbdə ümumiyyətlə hicablı şagird yoxdur. Yalnız 7-ci sinifdə oxuyan həmin şagird hicab taxır”.
Qeyd edək ki, sosial şəbəkələrdə Novxanı kənd 1 saylı tam orta məktəbin direktoru Taliyə Mirzəyevanın şagirdin başından hicabı yerə atması barədə məlumatlar yayılıb.
Bədbəxt insanlar. Gərək əsasən qızlar açıq saçıq geyinsinlər. İnanın ki əgər qızlar dizdən 1 qarış yuxarı sinəsi açıq geyinsə məktəbdə onlara heçnə deməzlər.
Bu qədər bədbəxtlik olmaz. Bu qədərdə yalan danışmaq olmaz. Heç bir Ana qızının iffətini onun təhsilinə dəyişməz. ALLAH belə insana bənzərlərə ləhnət edib ona görə bu günə düşüblər. Heç bir əməl cəzasız qalmayacaq.