“Türkiyə və Yunanıstan mühüm NATO müttəfiqləridir və biz onların fikir ayrılıqlarını diplomatiya yolu ilə həll etmələrini istərdik”.

KONKRET.az xarici mediaya istinadən xəbər verir ki, bu barədə NATO-nun baş katibi Yens Stoltenberq ABŞ dövlət katibi Entoni Blinkenlə birgə keçirdiyi mətbuat konfransında deyib:

“Bu iki ölkə bizim dəyərli müttəfiqlərimizdir, NATO-ya böyük töhfə verirlər. Düzdür, onların arasında fikir ayrılıqları var. Biz onların bu problemləri diplomatiya yolu ilə həll etmələrini gözləyirik”, – Stoltenberq vurğulayıb.

Entoni Blinken də tərəfləri konstruktiv dialoqa dəvət edib:

“Tərəflər fikir ayrılıqlarını konstruktiv şəkildə, diplomatik yollarla həll etməlidir. Həm Türkiyə, həm də Yunanıstan bizim mühüm tərəfdaşlarımızdır. Biz çox ciddi təhlükə ilə üz-üzəyik. Rusiyanın Ukraynaya təcavüzü ən böyük təhlükədir. Biz həmrəy olmalı və resurslarımızı Ukraynanı dəstəkləməyə yönəltməliyik”, – Blinken fikirlərini tamamlayıb.

Müşviq Tofiqoğlu,

KONKRET.az