Prezidentin sabiq köməkçisi Əli Həsənovun Sabunçu İcra Hakimiyyətində Təssərrüfat şöbəsinin müdiri işləyən qardaşı İsa Həsənov vəzifəsindən uzaqlaşdırılıb.

KONKRET.az xəbər verir ki, Sabunçu İcra Hakimiyyətinin başçısı Adil Əliyevin müvafiq əmri ilə, İ.Həsənovun yerinə Səlimov Vidadi Əmirxan oğlu təyin edilib.

Qeyd edək ki, Vidadi Səlimov bu vəzifəyə qədər Sabunçu Rayon İcra Hakimiyyəti başçısının Balaxanı qəsəbəsi inzibati ərazi dairəsi üzrə nümayəndəliyi vəzifəsində çalışırdı./mediapost/