Ermənistanın Xarici İşlər Nazirliyi son günlər mətbuatda  gedən “Türkiyə ilə Ermənistan arasında diplomatik münasibətlər qurulur” xəbərlərinə reaksiya verib.

KONKRET.az erməni KİV-ə istinadla xəbər verir ki, Ermənistan xarici işlər nazirinin müşaviri Marta Ayvazyan Türkiyə ilə heç bir danışığın aparılmadığını bildirib:

“Ermənistanla Türkiyə arasında diplomatik münasibətlərin qurulması istiqamətində heç bir danışıqlar planlaşdırılmır”.

Ermənistan XİN rəsmisi həmçinin bildirib ki, Türkiyə ilə münasibətlər barədə hökumətin əvvəlki siyasətinə heç bir dəyişiklik edilməyib.