“Qardaşım qalmışdı, onu yaralı halda dağıntılar altından çıxartdıq”.

KONKRET.az Baku TV-yə istinadən xəbər verir ki, bu sözləri Gəncə sakini Elçin Məmmədov deyib. O bildirib ki, düşmənin Gəncəyə raket hücumu nəticəsində qardaşının qızı üç uşağı ilə birlikdə dağıntılar altında qalıb: “Qardaşımın 33 yaşlı qızı üç uşağı ilə birlikdə hələ də dağıntılar altındadır. Uşaqlar 18, 11, və 7 yaşlarındadır. Dağılan evlərdə 60-ya yaxın insan yaşayırdı”.

Xatırladaq ki, ilkin məlumatlarda hadisə nəticəsində 6 nəfərin həlak olduğu, 35 nəfərin yaralandığı, dağıntılar altında qalanların olduğu bildirilir.