ABŞ rəsmiləri İranın son addımları və bölgədəki vəziyyətlə bağlı sərt bəyanatlar səsləndiriblər.

KONKRET.az xəbər verir ki, ABŞ rəhbərliyindən bildirilib ki, iranlılar öz hərəkətlərində səhvə yol verdiklərini anlayırlar.

“Onlar pis davranıblar. İran sistemindəki bir çox məmurlar hesab edirlər ki, sərt xətt tərəfdarları üçün gəmiləri yenidən atəşə tutmağa başlamaq axmaqlıq idi, lakin onlar bunu etdilər”, – deyə qeyd olunub.

Açıqlamada vurğulanıb ki, Prezident Donald Tramp İranla razılıq əldə etmək variantının mövcudluğunu tamamilə aydın şəkildə bildirib, lakin bunun üçün iranlıların normal davranması tələb olunur: “Sizdə sərt xətt tərəfdarları var. Konservatorlar var. Mülayimlər var. Ruhanilər var. Və bütün bu insanlar qəbuletmə prosesində iştirak edirlər. Və əlbəttə ki, gündəlik işlərə qarışmayan, çox uzaqlaşmış yeni Ali lideriniz var”.

Həmçinin bildirilib ki, ABŞ tərəfi Müctəba Xameneinin sağ olduğuna inanır: “Biz hesab edirik ki, Müctəba Xamenei sağdır. Əlbəttə, mən dəqiq bilmirəm, onu heç vaxt görməmişəm. Lakin malik olduğumuz ən yaxşı məlumatlar onun sağ olduğunu göstərir”.

Natiq Səlim,
KONKRET.az