38 yaşlı keçmiş futbolçu Qonsalo İquainin sosial mediada paylaşdığı son fotosu böyük səs-küyə səbəb olub.

Üç il əvvəl karyerasını başa vuran argentinalı keçmiş ulduz son görünüşü ilə sosial mediada geniş reaksiyaya səbəb olub.

KONKRET.az xəbər verir ki, “Real “, “Napoli” və “Yuventus” kimi nəhəng klublarda oynamış İquain hazırkı görünüşü ilə futbol azarkeşlərini təəccübləndirib.

Uzun müddətdir ictimaiyyətin diqqətindən kənarda qalan keçmiş hücumçunun fiziki görünüşü nəzərəçarpacaq dərəcədə dəyişib.

Sosial mediada paylaşılan şəkillər 38 yaşlı İquainin kökəldiyini və əvvəlki bədən quruluşundan çox uzaq olduğunu göstərir.

Bir vaxtlar dünyanın ən yaxşı qol vuranlarından biri hesab edilən ulduz oyunçunun bu görünüşü onun pərəstişkarlarını kədərləndirib.

2023-cü ildə futbolçu karyerasına son qoyan İquain, “İnter Mayami”də oynadıqdan sonra karyerasını baş vurub.

Peşəkar karyerasına Argentinanın “River Pleyt” klubunda başlayan Qonzalo İquain 2007-ci ilin yanvar ayında İspaniyanın “Real” klubuna keçib. O, “Real”da 264 rəsmi oyun keçirib, 121 qol vurub və üç dəfə La Liqa titulunu qazanıb.

2013-cü ildə İtaliya A Seriyasında “Napoli”yə keçən argentinalı hücumçu, 2015-2016-cı illərdə 36 qol vuraraq bir mövsümdə ən çox qol vuran Seriya A rekorduna çatıb. Bundan sonra o, 2016-cı ilin yayında 90 milyon avro transfer haqqı müqabilində “Yuventus”a keçib. “Yuventus”la üç Seriya A çempionluğu və iki İtaliya Kuboku çempionluğu qazanıb.