Rusiya-Ukrayna müharibəsi ilə əlaqədar bir çox dünya ölkələrində yaranan günəbaxan yağı qıtlığı Böyük Britaniyada da başlayıb.

KONKRET.az xəbər verir ki, ölkədəki bəzi supermarketlər artıq günəbaxan yağına məhdudiyyətlər qoyub. “Tesko” supermarketlər şəbəkəsində hər müştəriyə 3, “Veytroz” və “Morrisons”da isə 2 şüşə duru yağ satılmasına qərar verilib.

Qeyd olunub ki, Britaniyanın günəbaxan yağı tədarükü əsasən Ukraynadandır. İdxal zəncirindəki pozuntular ehtiyatların azalmasına və alternativ məhsullara tələbatın artmasına səbəb olub.