Milanın Malpensa Hava Limanına İtaliyanın keçmiş Baş naziri Silvio Berluskoninin adı verilib.

KONKRET.az xəbər verir ki, bu haqda “Milano Today” nəşrinin məlumat yayıb.

Siyasətçinin qızı Marina Berluskoni rəsmi mərasimdə çıxış edərkən deyib:

“Milan Malpensa Silvio Berluskoni” hava limanının hər gün dünyanın müxtəlif yerlərindən gələn minlərlə səyahətçini qarşılayacağını düşünmək məndə qürur və həyəcan hissi doğurur”.

Tədbirdə İtaliya Senatının sədri İnyatsio La Russa, Lombardiya bölgəsinin rəhbəri Attilio Fontana və İtaliyanın Baş nazirinin müavini Matteo Salvini kimi siyasi xadimlər iştirak ediblər.