İstanbul boğazında gəmilərin gediş-gəlişi müvəqqəti olaraq dayandırılıb.

KONKRET.az xəbər verir ki, buna səbəb Yavuz Sultan Səlim körpüsü istiqamətində “Brave Night” adlı gəmidə texniki nasazlığın yaranması olub.

Sahil Təhlükəsizliyi Xidmətinin məlumatına görə, gəmi Təkirdağdan Rumıniya marşrutu üzrə hərəkət edirmiş. Hazırda gəminin işə salınması üçün xidmətin müvafiq heyəti yola düşüb.

“A Haber” boğazda gəmilərin hərəkətinin bərpa olunduğu haqda məlumat yayıb.