“Bu gün elm sahəsi qeyri-müəyyənliklə üzləşib. Bütün mütəxəssislərin birləşərək hökumətə qarşı əks arqumentlər irəli sürəcəyi məqsədyönlü proqramın həyata keçirilməsinə EMEA-ya nə mane oldu?”.

KONKRET.az xəbər verir ki, bu fikirləri Akademiyanın Ekologiya və Noosferik Tədqiqatlar Mərkəzinin direktoru Lilit Saakyan Ermənistan Elmlər Akademiyasının ümumi iclasında Nazirlər Kabinetinin dövlət universitetləri və elmi-tədqiqat institutlarını birləşdirmək planlarını şərh edərkən bildirib.

Onun fikrincə, dəyişikliklər alimlərin işinin çevikliyinə zərər verəcək.

“Dəyişikliklər qaçılmazdırsa, onların heç olmasa idarə edilə bilən riskləri olmalıdır. Mən bu risk idarəçiliyini görmürəm, çünki biz məsələləri qeyri-müəyyənlik şəraitində müzakirə edirik. İnstitutların direktorları qüvvələrini birləşdirsələr, EMEA-da köklü dəyişikliklərlə bağlı daha böyük tələblər irəli sürə biləcəklər ki, Elm Komitəsi bizi nəzərə alsın”, – deyə Saakyan fikrini yekunlaşdırıb.

Ariz Həsənoğlu,

KONKRET.az