Bu gün Milli Məclisin İnsan hüquqları, Hüquq siyasəti və dövlət quruculuğu komitələrinin onlayn formatda birgə iclası keçirilib.

KONKRET.az xəbər verir ki, Tədbirdə bir sıra media qurumlarının, KİV-lərin rəhbərləri və nümayəndələri iştirak ediblər.

İclasda “Media haqqında” qanun layihəsinin ikinci oxunuşda müzakirəsi keçirilib.

Müzakirələrə qoşulan İnsan hüquqları komitəsinin sədri Zahid Oruc blogerlərin fəaliyyətinin tənzimlənməsi ilə əlaqədar diqqətə çatdırıb ki, qanun layihəsində bununla bağlı və sosial şəbəkələrə aid müddəalar yer almayıb.

“Layihə ancaq peşəkar jurnalistika səviyyəsində olan münasibətləri sağlamlaşdırmağa xidmət edir”, – Z.Oruc bildirib.