“Rusiya Ukraynanın şərqində “Vaqner” özəl hərbi şirkətinin muzdlularından istifadə edir və bu hərbçilərin mindən çoxunu döyüşə cəlb edə bilər”.

KONKRET.az “Azadlıq” radiosuna istinadən xəbər verir ki, bunu NATO-nun yüksək rütbəli rəsmisi deyib.

O qeyd edib ki, Moskva itkiləri ödəmək üçün xüsusən muzdluları (o cümlədən əcnəbiləri) Ukraynada yerləşən Rusiya bölmələrinə necə inteqrasiya edəcəyini hələ dəqiq müəyyən edə bilməyib.

NATO-nun məlumatına görə, hazırda Rusiyanın Ukraynada 80-dən çox taktiki qrupu var. Qoşunlarının Kramatorska doğru irəliləməyə çalışdığı Rusiyanın Donbasdakı hazırkı hərəkətləri hərbi əməliyyatların artmasından xəbər verir.