“Pakistanla Azərbaycan arasında diplomatiya, siyasət və müdafiə sahəsində çox gözəl münasibətlər var. Lakin iqtisadi sahədə əməkdaşlıq istədiyimiz səviyyədə deyil”.

KONKRET.az xəbər verir ki, bunu Pakistanın Azərbaycandakı səfiri Bilal Haye Pakistan-Azərbaycan İqtisadi Əməkdaşlıq Palatasının açılışında jurnalistlərə deyib.

Səfir ümidvar olduğunu bildirib ki, yeni yaradılan İqtisadi Əməkdaşlıq Palatası iki ölkə arasında iqtisadi əməkdaşlıq sahəsində əlaqələrin inkişafı üçün platforma rolunu oynayacaq.