“Ermənistanla Rusiya arasında uzun illər formalaşmış münasibətlərin pozulması ölkə vətəndaşları üçün ciddi nəticələr doğura bilər”.

KONKRET.az xəbər verir ki, bunu Rusiya Təhlükəsizlik Şurası sədrinin müavini Dmitri Medvedev deyib.

O bildirib ki, onilliklər ərzində qurulan əlaqələrin qırılmasının sadə erməni vətəndaşlarına mənfi təsirləri Ermənistan rəhbərliyini narahat etmir:

“Hazırkı Ermənistan hakimiyyəti xarici siyasətdəki ambisiyalarını ölkənin milli maraqlarından üstün tutur.

Qərb Ermənistanı ilk növbədə Rusiya ilə qarşıdurmada istifadə ediləcək alət kimi görür və respublikadakı daxili siyasi balansı dəyişməyə çalışır”.//Globalinfo