KONKRET.az-ın Rusiya bürosu xəbər verir ki, Moskvanın cənub-şərqində polis əməkdaşları anasına bıçaqla hücum edən və asayiş keşikçilərinə müqavimət göstərməyə çalışan şəxsi güllələyərək öldürüblər. Bu barədə hüquq-mühafizə orqanlarındakı mənbə məlumat verib.
35 yaşlı Vladislav B. anasına bir neçə bıçaq xəsarəti yetirib, bundan sonra qadın polisə zəng vurub. Hüquq-mühafizə orqanlarının əməkdaşları hadisə yerinə gələndə kişi onlara müqavimət göstərib və tapançaya bənzər silahla polisləri hədələməyə başlayıb. Nəticədə o, polislər tərəfindən güllələnib.
Xəbər verilir ki, yaralı olan ananın vəziyyəti qənaətbəxşdir.