Ukrayna baş nazirinin müavini İrina Vereşçuk Rusiya qüvvələrinin mühasirəsində olan Mariupoldan qadın və uşaqları təxliyə etməyi planlaşdırdıqlarını açıqlayıb.

KONKRET.az xarici mediaya istinadən xəbər verir ki, Vereşçuk deyib:

“Mariupolda bu gün yenidən qadınları, uşaqları və qocaları təxliyə etməyə çalışırıq. İndi Port City Ticarət Mərkəzinin yaxınlığındakı dairəvi yolda toplaşmağa başlayırıq. Əgər hər şey yolunda gedərsə. evakuasiyaya saat 00:00-da başlayacağıq”.

Xatırladaq ki, Vereşçuk dünən marşrutlardakı təhlükə səbəbindən humanitar dəhlizin olmayacağını açıqlamışdı: “Təxliyəni gözləyən hər kəsə müraciət edirəm! Səbirli olun, lütfən gözləyin” – deyə Vereşçuk vurğulamışdı.

Qeyd edək ki, Ukrayna baş nazirinin müavini Rusiya qoşunlarının intensiv bombardmanı səbəbindən Mariupolda təxliyyə gözləyən insanları xilas etməyin mümkün olmadığını açıqlamışdı.

Müşviq Tofiqoğlu,

KONKRET.az