Moskva-Vladivostok reysi ilə uçan qadın sərnişin Ukrayna dilində kitab oxuduğu üçün saxlanılıb.
KONKRET.az xəbər verir ki, digər sərnişinlər qadını tez-tez stüardessalardan su istəməsi, davamlı olaraq tualetə getməsi və ukraynaca kitab oxuması səbəbindən hava limanının rəhbərinə şikayət edib.
Polislər onu Vladivostok hava limanının keçidində qarşılayıb və polis bölməsinə aparıblar. 34 yaşlı qadının gödəkçəsi, bel çantası və telefonunda Ukrayna bayrağı olan döş nişanları və stikerlər də tapılıb.
O, Rusiya Silahlı Qüvvələrinin nüfuzdan salınmasında ittiham olunur.