Rusiyanın Vaşinqtondakı səfirliyi Zelenski küçəsinə “köçüb”.

KONKRET.az xəbər verir ki, bu barədə fotoqraf və mütərəqqi PAC Mad Dog hərəkatının sədri Klod Teylor məlumat verib. Zelenskiyə dəstək üçün küçə nişanı quraşdırılıb.
On ikinci gün Ukrayna Rusiya işğalına müqavimət göstərməkdə davam edir. Avropada ABŞ və digər ölkələr Ukrayna Prezidenti Vladimir Zelenskinin dözümlülüyünə və cəsarətinə heyrandırlar.

Vaşinqtonun Kolumbiya bölgəsində fəallar Rusiya səfirliyinin yaxınlığında yeni küçə lövhəsi quraşdırıblar.

Yol nişanı “Prezident Zelenskinin yolu” adlanır. Belə ki, Rusiya səfirliyi Zelenski küçəsində yerləşir.

“Kolumbiya əyalətindəki Rusiya səfirliyi indi Prezident Zelenskinin yolundadır”, – deyə o yazıya imza atıb.

At Russian Embassy in DC… now located on President Zelensky Way. pic.twitter.com/zmShDvEqQS

— Claude Taylor (@TrueFactsStated) March 6, 2022

Xuraman Etibarlı,
KONKRET.az