“Toyota Motor” ardıcıl beşinci dəfə dünyanın ən böyük avtomobil istehsalçısı olub. 2024-cü ilin sonuna Yaponiya şirkəti “Lexus”, “Daihatsu” və “Hino” markaları da daxil olmaqla 10,82 milyon avtomobil satıb.

KONKRET.az “Reuters”ə istinadən xəbər verir ki, bu barədə “Toyota Motor”sun  yanvarın 30-da açıqlanan statistikasında məlumat paylaşılıb. Məlumatda deyilir ki, “Toyota”-nın il ərzində satışlarının 3,7% azalması onun liderliyinə mane olmadı. Ayrı-ayrılıqda “Toyota” və “Lexus” markalı avtomobillərin satışı illik müqayisədə 1,4% azalıb (10,16 milyon ədədə qədər). Eyni zamanda, Toyota tərəfindən elektrikləşdirilmiş avtomobillərin satışı il ərzində 23,2% artaraq 4,53 milyon ədəd təşkil edib. “Reuters”-in məlumatına görə, ana şirkətin hibrid avtomobilləri onun satışlarının rekord 40,8%-ni təşkil edib.

2024-cü ildə qlobal satışlarda ikinci yeri “Volkswagen Qrupu” (təxminən 9 milyon avtomobil) tutub. Bu ayın əvvəlində şirkət mübarizə apardığı və Çinin əsas bazarında sərt rəqabətlə üzləşdiyi üçün keçən il satışlarının 2,3 faiz azaldığını bildirdi.

Vəli Həsənoğlu,

KONKRET.az