“Xarici qüvvələrin bölgədə və Suriyada qeyri-qanuni mövcudluğu regionun təhlükəsizliyi və sabitliyi üçün təhlükəlidir”.
KONKRET.az “Mehr” agentliyinə istinadən xəbər verir ki, bu fikirləri İran prezidenti İbrahim Rəisi Suriyanın xarici işlər naziri Feysal Mekdad ilə görüşündə səsləndirib:
“İŞİD”i amerikalılar yaradıb. Bu gün İŞİD və ABŞ-ın bölgədə mövcudluğu təhlükəsizliyə, sabitliyə və sülhə böyük ziyan vurur. Bu gün Suriya müqavimətin və Suriya xalqı isə müqavimət tarixinin önündədir” – deyə Rəisi vurğulayıb.
Feysəl Mekdad isə öz növbəsində bildirib ki, Suriya xalqı İranın dəstəyini və yardımını heç vaxt unutmayacaq.
Müşviq Tofiqoğlu
KONKRET.az