Martın 9-dan 10-na keçən gecə Ukraynanın Xarkov vilayətində Slobojanskoye kəndində evə mərmi düşüb.
KONKRET.az “Strana”ya istinadən xəbər verir ki, bu barədə məlumatı Ukraynanın Fövqəladə Hallar üzrə Dövlət Xidməti yayıb.
Nəticədə evdə olan 2 qadın və 2 uşaq həlak olub, 5 yaşlı bir uşaq isə yaralansa da, sağ qalıb.
Bununla yanaşı, gecə Xarkovun mərkəzində yerləşən “Nikolski” ticarət mərkəzinə mərmi düşüb, binada yanğın başlayıb.
Yanğınsöndürənlər 3 saatlıq əməliyyatdan sonra yanğını söndürməyə nail olublar. Hadisə nəticəsində xəsarət alan olmayıb.
