“BBC” telekanalı Bərdə şəhərinə ermənilərin atdığı raket hücumundan yazdıbackend

“BBC” telekanalı Bərdə şəhərinə ermənilərin atdığı raket hücumundan yazdı

Dünyaca məşhur “BBC” telekanalı Ermənistan silahlı qüvvələrinin Bərdə şəhərinə raket hücumundan yazıb.

KONKRET.az xəbər verir ki, telekanalın xəbərində qeyd olunub ki, hücum nəticəsində 21 mülki şəxs həlak olub, onlarla mülki şəxs yaralanıb.

Kanal Azərbaycan Prezidentinin köməkçisi Hikmət Hacıyevdən sitat gətiririb: “Ermənistan silahlı qüvvələri Azərbaycanın mərkəzi bölgəsi Bərdədə mülki şəxslər arasında daha çox itkiyə səbəb olmaq üçün kaset bombalarından istifadə edirlər”.

Həmçinin sosial mediada yayılan görüntülərdə küçələrə dəymiş ziyan və nəqliyyat vasitələrinin yanında cəsəd torbalarında yola qoyulan bir neçə cəsəd olduğu bildirilib.

Yerli sakin Ülviyyə Babayeva bildirib ki, partlayışlar baş verən zaman yaxınlıqda olub və partlayışı eşidən kimi hadisə yerinə gəlib.

“Biz yanğın görürdük, bombalar atılırdı. İnsanlardan biri bank binasının qarşısında avtomobilin üzərinə yıxıldı, hər yerdə qəlpələr var idi”,- deyə o qeyd edib.

 




Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*