Apple koronavirus pandemiyası ilə bağlı olaraq tibbi maskaların kütləvi şəkildə istifadə edilməsinə görə cihazlarındakı “Face ID” üz tanıma skanerinin parametrlərində yenilənmə aparacaq.

KONKRET.az xarici KİV-ə istinadən xəbər verir ki, “Apple” cihazlarındakı “Face ID” sistemi maskalı üzlə qarşılaşdıqda sistemdə donma hallarının baş verməsi istifadəçilərin şikayətlərinə səbəb olub. İOS əməliyyat sisteminin yeni versiyasında isə skaner istifadəçinin maska ​​taxdığını müəyyənləşdirərək cihaz kilidini açmaq üçün avtomatik olaraq ənənəvi şifrə tələb olunan rejimə keçəcəkdir.

Bununla yanaşı yeni iOS (13.5) versiyasında iPhone istifadəçiləri “Covid-19″a yoluxmuş bir şəxslə əlaqə qurduqları halda xəbərdarlıq göndərəcək bir proqramla təmin olunacaq. Bluetooth texnologiyası vasitəsilə virusun yayılmasını izləməyə kömək edəcək sistem “Google” ilə ortaq layihə əsasında hazırlanıb.