ABŞ-ın “PepsiCo” şirkəti Rusiyada “Pepsi”, “7UP” və “Mountain Dew” içki brendlərinin istehsalını dayandırıb.
KONKRET.az xəbər verir ki, bu barədə “Reuters”ə şirkətin nümayəndəsi bildirib.
Onun sözlərinə görə, Rusiyada bu içkilər üçün konsentratların bütün ehtiyatları tükənib və istehsal dayandırılıb.
Qeyd edək ki, martın 9-da “PepsiCo” şirkəti Rusiyada sərinləşdirici içkilərin satışını və reklam fəaliyyətini dayandırmaq barədə qərar qəbul edib.
İyul ayında şirkətin rüblük hesabatında Rusiyadakı aktivlərinin dəyərsizləşməsi səbəbindən itkiləri 1,17 milyard dollar qiymətləndirilib.
İqbal Rzayev,
KONKRET.az