Azərbaycan Respublikasının Prezidenti İlham Əliyevin tapşırığına uyğun olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikası Fövqəladə Hallar Nazirliyinin (FHN) müvafiq yanğın-xilasetmə qüvvələrindən ibarət növbəti dördüncü qrupu Türkiyə Respublikasına çatıb.
20:14
Türkiyədə meşə yanğınlarının söndürülməsi və daha geniş miqyas almasına imkan verilməməsi məqsədilə Azərbaycan Respublikasının Prezidenti İlham Əliyevin tapşırığına uyğun olaraq, avqustun 6-da Fövqəladə Hallar Nazirliyinin (FHN) yanğın-xilasetmə qüvvələrinin növbəti – dördüncü qrupu Türkiyəyə yola düşüb.
KONKRET.az xəbər verir ki, 200 nəfərdən ibarət yanğın-xilasetmə qrupu Heydər Əliyev Beynəlxalq Aeroportundan yola salınıb.
Uçuşdan əvvəl qrupun üzvlərinə müvafiq təlimatlar verilib.
FHN-in Xüsusi Riskli Xilasetmə Xidmətinin Alay komandiri polkovnik-leytenant Məmməd Xəlili jurnalistlərə bildirib ki, dördüncü qrupun şəxsi heyəti 200 nəfərdən ibarətdir. Şəxsi heyət fərdi yanğınsöndürmə vasitələri ilə təmin olunub.
Qrupun üzvləri sabah təyin olunan yerlərdə yanğınsöndürmə əməliyyatlarına başlayacaqlar.