Gəncədə yol-nəqliyyat hadisəsi baş verib.

KONKRET.az APA-a istinadən xəbər verir ki, hadisə şəhərin Şah İsmayıl Xətai prospektində qeydə alınıb.

Hərəkətdə olan “Hyundai” markalı minik maşını idarəetmədən çıxaraq yol kənarında dayanan “VAZ 2107”, “Opel”, “Toyota” və “Mercedes” markalı avtomobillərə çırpılıb.

Qəza nəticəsində 2 nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub.