İranda İraqla 8 illik müharibənin ildönümü münasibətilə keçirilən “Müqəddəs Müdafiə Həftəsi” tədbirləri paytaxt Tehranda İmam Xomeyni hərəmi qarşısında təşkil edilən paradla başlayıb.

KONKRET.az xarici mediaya istinadən xəbər verir ki, paradda döyüş başlığı daşıya bilən “Rizvan” adlı yer-yer tipli ballistik raketi nümayiş etdirilib.

Bildirilib ki, 1400 kilometr mənzilli ballistik raket sabit və mobil platformalardan buraxılır.

İslam İnqilabı Keşikçiləri Korpusunun baş komandanı general-mayor Hüseyn Səlami qeyd edib ki, bu səsdən 8 dəfə sürətli, dəqiq idarə olunan orta mənzilli ballistik raketdir.

İqbal Rzayev,

KONKRET.az