Niderlandın Ədliyyə naziri Ferdinand Qrapperhaus koronavirusla bağlı tətbiq edilən qaydalara əməl etmədiyi üçün cərimələnib.

KONKRET.az xarici mətbuata istinadən xəbər verir ki, nazirin avqustun 22-də baş tutan özünün toy məclisində sosial məsafəni qorumadığı məlum olub.

Onu toydan yayılan fotolar ələ verib. Belə ki, sosial şəbəkələrdə yayılan və müzakirələrə səbəb olan şəkillərdə nazirin onlarla qonağın qatıldığı məclisdə sosial məsafəni gözləmədiyi aydın görünür.

Qeyd edək ki, ölkənin Baş Prokurorluğu qaydalara əməl etməyən nazirin 390 avro cərimələndiyini açıqlayıb. aqreqator.az