Son beş ildə ilk dəfə Ermənistanda az da olsa doğuş artımı qeydə alınıb. KONKRET.az-ın bildirdiyinə görə, bu barədə səhər Ermənistanın Baş naziri Nikol Paşinyan öz Facebook səhifəsində yazıb.
“2018-ci ilin birinci yarısında ölkədə 18258 uşaq doğulmuşdusa, bu il 18493 uşaq doğulub, yəni 235 uşaq daha çox. Artım azdır, amma nəzərə almaq lazımdır ki, son beş ildə bu göstərici durmadan azalmaqda idi. Buna görə də, inqilabdan sonra vətəndaşların gələcəyə və müsbət dəyişikliklərə ümidlərinin ardığını ifadə etmək olar. Bu gözləntilərin doğuş artımında öz əksini tapması üçün vaxt lazım idi”, – deyən Baş Nazir ölkədə nikahların artması və boşanmalarına azalmasını da qeyd edib.